Бразилия термасиинг собиқ ҳужумчиси Зико "Барселона" ҳужумчиси Месси ва Пелени солиштириб кўрди, дея хабар беради испан матбуоти.
Аргентина термасининг ҳужумчиси ҳозир жаҳоннинг энг яхшиси бўлиб турганига кўпчилик шубҳа қилмайди. Аммо у барча замонларнинг энг яхши футболчиси номига эгалик қила олиши кўплаб баҳсларга сабаб бўлмоқда.
"Месси ҳозирги кунда дунёнинг энг яхши ўйинчиси бўлиб турибди, аммо уни Пелега тенглаштириш мумкин эмас. Футболда Пеледай аҳамиятга эга бўлиш учун унга кўп нарса лар етишмайди. У Пеле савиясига эришиши мумкин, аммо бу жуда қийин масала. Месси бунга эришиши учун фаолиятида узоқ йўл босиши керак", - дейди Зико.
