"Манчестер Сити" бош мураббийи Пеп Гвардиола ярим ҳимоячи Родрининг кеча УЕФА Чемпионлар лигаси гуруҳ босқичидан ўрин олган Сербиянинг "Црвена Звезда"сига (3:1) қарши ўйинидаги ҳаракатлари ҳақида гапирди. Бу учрашувда испаниялик гол урди.
“Ҳозирда Родри Европанинг энг яхши ярим ҳимоячиси. Умид қиламанки, у ривожланишда давом этади. "Сити" бундай футболчини қўлга киритгани учун жуда омадли. У бизга илк бор келганида бундай футболчи эмас эди. Ҳозирда Родри жамоанинг етакчи футболчиларидан бири, энг юқори тоифадаги футболчи", - деди мутахассис.
Кейинги турда “Манчестер Сити” сафарда Германиянинг “РБ Лейпциг” клубига қарши баҳс олиб боради.
