Бугун Ўзбекистон футзал терма жамоасига янги бош мураббий тайинланиши муносабат билан матбуот анжумани ташкил этилди. Анжуманни ЎФА биринчи вице-президенти Равшан Ирматов очиб берди.
"Жаҳон чемпионатида муносиб иштирок этиш учун саъй-ҳаракатлар амалга оширилмоқда. Терма жамоага мураббий танлаш жуда мураккаб, 30 дан ортиқ номзодлар билан музокаралар ўтказилди. Дунёнинг 5 карра энг яхши мураббийи Хосе Венансио Лопес номзодида тўхталдик.
Жаҳон чемпионатига муносиб тайёргарлик кўриш учун Андижонда янги арена барпо этилади, машғулот залларига ҳам эга бўламиз. Жаҳон чемпионати туфайли футзал инфраструктурамизни Жаҳон стандартларига мослаштирамиз.
Жаҳон чемпионатида иштирок этишимиз аниқ, бироқ Осиё кубогида энг юқори мақсадни кўзлаганмиз. Шартнома Жаҳон чемпионати охирига қадар имзоланди. Ўйлаймизки, мундиалда муносиб қатнашамиз.
Терма жамоалар марказида футзал учун ҳам шароит яратилади. Барча миллий терма жамоаларимизни биргаликда ривожлантирамиз" - деди Эрматов.
