«Манчестер Юнайтед» сардори Бруно Фернандеш жамоасининг «Бавария»дан учралган мағлубияти (3:4) ҳақида фикр билдирди.

Эрик тен Хаг шогирдлари биринчи бўлимда жавобсиз иккита гол ўтказиб юборди, аммо танаффусдан кейин интригани қайтаришга муваффақ бўлди. «Бавария» сафида Сане, Гнабри, Кейн ва Тель 28, 32, 53 ва 92-дақиқаларда гол уришди, бунга «қизил иблислар» 49-дақиқада Хойлунднинг голи ва 88 ва 95-дақиқаларда Каземиронинг дубли билан жавоб қайтаришди.

«Албатта, бу етарли эмас эди, лекин биз осон рақибга қарши ўйнамадик – биз дунёнинг энг яхши жамоаларидан бирига қарши ўйнадик, кўплаб иқтидорли футболчилар бор.

Менимча, Мюнхенда «Бавария» дарвозасига учта гол уришимизни кўпчилик кутмаганди», — дея Фернандешнинг сўзларини келтиради United Stand.