"Наполи" бош мураббийи Руди Гарсиянинг фикрича, "Брага" билан ўйин янада силлиқ кечиши мумкин эди.
Италиянинг амалдаги чемпиони янги Чемпионлар лигасидаги ўйинини сафарда Португалия жамоаси устидан қозонилган ғалаба (2:1) билан бошлади.
“Меҳмонда ўйнаганингизда Чемпионлар лигасида ғалаба қозониш ҳар доим қийин. Жамоамнмнг характери ва муносабатини қайд этишингиз мумкин. Ачинарлиси, аввалроқ барча саволларни ҳал қила олмадик, чунки бизда иккинчи голни уриш учун кўп имкониятлар бўлди. Бу вазифани анча осонлаштирган бўларди ва тарангликни бартараф этишга ёрдам берган бўларди, аммо биз натижадан мамнунмиз", - деди Гарсия Sky Sport нашрига берган интервьюсида.
