УЕФА Украина терма жамоаси мухлисларининг сентябрь ойида Англия (1:1 ҳисобида дуранг) ва Италияга (1:2 ҳисобида мағлубиятга учраган) саралаш ўйинларидаги хатти-ҳаракатларини кўриб чиқди. Натижада УЕФА бир қатор қарорлар қабул қилди:
Украина футбол ассоциацияси (УФА) мухлисларнинг ирқчилик ҳаракати учун 20 минг евро миқдорида жаримага тортилди. Украина терма жамоаси навбатдаги уй учрашувини қисман ёпиқ стадионда ўтказади. Шунингдек, УФАга миллий терма жамоанинг навбатдаги сафар ўйини учун чипта сотиш тақиқланди.
УФА мухлислар томонидан пиротехника воситаларидан фойдалангани учун яна 5 минг евро, стадиондаги жамоат жойларини тўсиб қўйгани учун яна 8 минг евро жаримага тортилди.
