Чемпионлар лигасининг энг қиммат ёш футболчиси аниқланди. Рейтинг Transfermarkt портали таҳлилчилари томонидан тузилган, фақат ҳали 22 ёшга тўлмаган футболчилар ҳисобга олинган.
Биринчи ўринни Жуд Беллингем эгаллади, унинг голи чоршанба куни «Унион»га қарши кечган қийин баҳсда (1:0) «Реал»га ғалаба келтирди. Портал маълумотларига кўра, унинг нархи 120 миллион евро.
Иккинчи поғонада «Бавария»нинг 20 ёшли ҳужумчиси Жамал Мусиала - 110 миллион евро. Учинчи ўринда «Барселона» ярим ҳимоячиси Педри – 100 миллион.
Унинг жамоадоши Гави бироз ортда – 90 миллион. Кучли бешликни «Реал» ярим ҳимоячиси Эдуардо Камавинга ёпди – 85 миллион.
