Сауль Ньигес Жоау Феликснинг хатти-ҳаракатига норозилик билан фикр билдирди.

Июль ойида "Атлетико Мадрид"га тегишли ярим ҳимоячи "Барселона"да ўйнашни хоҳлашини айтганди. Трансфер ойнаси ёпилишидан олдин каталонияликлар уни ижарага олишга муваффақ бўлишди.

"У ажойиб футболчи, жамоамизда ўз қобилиятини кўрсатиш насиб этмади. Биламан, у жуда яхши, лекин у мослашишга тайёр бўлиши ва унга идеал бўлмаган нарсаларни қилишга тайёр бўлиши керак.

Унга муваффақият тилайман, "Барселона"да ҳаммаси яхши бўлсин, у жуда кучли старт олди.

Ўйлайманки, у (кетишдан олдин) яхшироқ ишлаши мумкин эди, лекин у буни қилмади ва бу охир-оқибат клубга таъсир қилди", деди ярим ҳимоячи Movistar+ нашрига берган интервьюсида.