"Барселона" спорт директори Деку ярим ҳимоячи Френки де Йонгнинг келажаги ҳақидаги саволга жавоб берди.
2019 йилдан бери “блауграна” шарафини ҳимоя қилиб келаётган нидерландиялик футболчи Хави Эрнандес қўл остида жамоанинг асосий ўйинчисига айланди. Сўнгги йилларда ярим ҳимоячи тез-тез "Барселона"ни тарк этиши мумкинлиги ҳақида хабарлар чиқаётган эди, аммо каталонияликлар ўз етакчиларидан бирини сотишни исташмаяпти.
“Де Йонгнинг шартномаси? Унинг шартномаси жорий мавсум якунланганидан кейин яна икки йилга мўлжалланган. Кўрамиз. Френки - бу клубимизнинг келажаги. Биз унинг кўп йиллар биз билан қолишини истаймиз", - дея Деку сўзларини келтиради Marca.
Шанба куни "Сельта"га қарши ўйинда Френки де Йонг жароҳат олди, шу сабабли у бир ярим ойни ўтказиб юбориши мумкин.
