"Манчестер Юнайтед" бош мураббийи Эрик тен Хаг жамоасининг "Бёрнли"га (1:0) қарши ўйиндаги ҳаракатларини юқори баҳолади.
“Қизил иблислар” 45-дақиқада Бруну Фернандеш киритган ягона гол эвазига муваффақият қозонди.
“Бизга бу ғалаба керак эди. Кучли рақибларга қарши кетма-кет омадсиз ўйинлар ўтказдик ва бу ўйинларнинг ҳар бирида ҳам мағлуб бўлишга лойиқ эмасдик. Бугунги ўйинда ғалаба биз учун мажбурий эди. Менга футболчилар кўрсатган жамоавий руҳ ёқди – улар бир-бирини қўллаб-қувватлашди, ҳужум қилишди ва биргаликда ҳимояланишди”, деди “Манчестер Юнайтед” бош мураббийи.
