Англия Премьер-лигасининг 6-тури доирасидаги ўйинда “Манчестер Юнайтед” “Бёрнли” билан учрашди ва 1:0 ҳисобида ғалаба қозонди. "Қизил иблислар"нинг собиқ ҳимоячиси Рио Фердинанд ушбу ўйин ҳақидаги фикрлари билан ўртоқлашди.
"Манчестер Юнайтед" учун муҳим натижа. Сўнгги пайтларда жамоанинг аҳволи яхши эмас, буни тўхтатиш керак. Бу уч очко вазиятни ижобий ўзгартириши мумкин", - деди Фердинанд Daily Mail билан суҳбатда.
Англия чемпионатининг олтинчи тур якунларига кўра, "манкунианликлар" тўққиз очко жамғариб, турнир жадвалида пешқадам "Манчестер Сити"дан 9 очко ортда қолиб, саккизинчи ўринда бормоқда.
