Италиянинг «Милан» клуби хўжайини Сильвио Берлускони Робиньони жамоада олиб қолишга тайёр эканини маълум қилди.
«Робиньони биз билан бирга қолишини хоҳлайман. У яхши инсон ва ажойиб техникали футболчи».
«Мен у билан гаплашиб олдим. Мен унинг гапларини тўғри тушундим. У қарорини ўзгартириши ва жамоада қолиши мумкин», дея Берлусконининг сўзларидан иқтибос келтирмоқда «Milan Channel».
Эслатиб ўтамиз, ҳозирги вақтда 28 ёшли футболчига ватани Бразилия клубларидан бир қатор таклифлар бўлмоқда.













