"Санфречче Хиросима" клуби ўз юртида ўтаётган клублар ўртасидаги жаҳон чемпионатининг ярим финалига чиқа олмади. Японлар Мисрнинг "Ал-Аҳли" клубига 1:2 ҳисобида имкониятни бой беришди.

Ўйинга қисқача таъриф берадиган бўлсак, африкаликлар ўз имкониятлардан самарали фойдаланишганию, хиросималикларнинг кўп вазиятларни кўкка совургани билан ёдда қолди.

15-дақиқада Ҳамдий ҳисобни очишга муваффақ бўлди. Японияликларнинг уринишлари эса 32-дақиқага келиб ўз самарасини берди — Сато ҳисобни тенглаштирди.

Ҳар иккала бўлимларнинг иккинчи ярми "Санфречче" жамоасининг устунлигида ўтди. 57-дақиқада Муҳаммад Абутрика томонидан урилган голгача ва ундан кейин вазиятларда майдон эгалари кўплаб голли имкониятлар, жумладан, дарвозабон билан бирга-бир вазиятларан фойдалана олишмади. Япон футболчиларининг зарбаларига аниқлик етишмади.

Энди Осиёнинг икки жамоаси — "Ульсан Хёндэ" ва "Санфречче Хиросима" 5-ўрин учун кураш олиб борадиган бўлишса, "Ал-Аҳли" Бразилиянинг "Коринтианс" жамоаси билан ярим финалда куч синашадиган бўлди.

Клублар ўртасида жаҳон чемпонати.
Чорак финал. 9 декабрь
"Санфречче Хиросима" (Япония) - "Ал-Аҳли" (Миср) - 1:2
"Ульсан Хёндэ" (Жанубий Корея) - "Монтеррей" (Мексика) - 1:3

5-ўрин учун ўйин. 12 декабрь
"Санфречче Хиросима" - "Ульсан Хёндэ"

Ярим финал
12 декабрь. "Ал-Аҳли" - "Коринтианс" (Бразилия)
13 декабрь. "Ал-Аҳли" - "Челси" (Англия)

3-ўрин учун ўйин. 16 декабрь
Финал. 16 декабрь