"Манчестер Юнайтед"нинг собиқ ҳимоячиси Гари Невилл Англия чемпионати доирасидаги "Арсенал" - "Тоттенхэм" учрашуви натижаси ҳақида фикр билдирди. Учрашув 2:2 ҳисобида дуранг билан якунланди.
"Ҳозирги "Арсенал"да хотиржамлик йўқ. Бу жамоага жамоадошларини бошқариш учун тажрибали футболчилар керак. Сиз хавф остида эканлигингизни англаганингизда характер ўйнайди. "Канонирлар сўнгги учрашувда ўзларини жамлай олишмади", - деди Невилл Sky Sports билан суҳбатда.
Англия Премьер-лигасининг 6 туридан сўнг “Арсенал” 14 очко жамғариб, турнир жадвалида бешинчи ўринда бормоқда.
