“Наполи” ҳужумчиси Виктор Осимхен А Серия доирасидаги “Болонья”га (0:0) қарши ўйин сўнгида қилган хатти-ҳаракати учун узр сўради. Эслатиб ўтамиз, ҳужумчи бош мураббий Руди Гарсияга нисбатан захирага олингани сабаб жуда қаттиқ муносабатда бўлган ва жаримага тортилиш хавфи остида қолганди.
La Gazette Dello Sport хабарига кўра, нигериялик футболчи ўз қилмиши учун икки марта узр сўраган. Биринчи марта финал ҳуштаги чалинганидан кейин кийиниш хонасида, иккинчи марта эса кеча клуб базасида машғулот вақтида.
