“Napoli” hujumchisi Viktor Osimxen A Seriya doirasidagi “Bolonya”ga (0:0) qarshi o‘yin so‘ngida qilgan xatti-harakati uchun uzr so‘radi. Eslatib o‘tamiz, hujumchi bosh murabbiy Rudi Garsiyaga nisbatan zaxiraga olingani sabab juda qattiq munosabatda bo‘lgan va jarimaga tortilish xavfi ostida qolgandi.
La Gazette Dello Sport xabariga ko‘ra, nigeriyalik futbolchi o‘z qilmishi uchun ikki marta uzr so‘ragan. Birinchi marta final hushtagi chalinganidan keyin kiyinish xonasida, ikkinchi marta esa kecha klub bazasida mashg‘ulot vaqtida.