"Барселона" бош мураббийи Хави Эрнандес ҳужумчи Жоау Феликснинг формаси ҳақида гапирди. Эслатиб ўтамиз, "кўк-анорранглилар" учун сўнгги учта ўйинда португалиялик футболчи учта гол ва иккита голли узатмани амалга оширган.
“Феликс менинг ўйин тизимимга мос келади. Ахир истеъдод бўлса, қандайдир тарзда намоён бўлади. У ҳозир яхши формада”, - деди Хави матбуот анжуманида.
Ҳозирда Феликс "Атлетико Мадрид"га тегишли, "Барселона" трансфер ойнасининг сўнгги кунида португалияликни бир мавсумга ижарага олди.
