Матбуотда «Астон Вилла»дан учралган мағлубиятдан сўнг (0:1) «Челси» хўжайинларидан бири Беҳдад Эгбали кийиниш хонасига кириб келгани ҳақида маълумотлар пайдо бўлди.
Жамоа бош мураббийи Маурисио Почеттино бу борада фикр билдирди.
«Мен бунда ёмон нарса кўрмаяпман. Уларнинг ишимиздан бехабар эмасликлари яхши. Улар клубга эгалик қилишади ва хоҳлаган нарсани қилишлари мумкин. Улар кийиниш хонасига кириб келаётганидан хурсандман», деди Почеттино журналистларга.
Эслатиб ўтамиз, «Челси»ни Томас Тухель бошқарганида, у ўйинлардан кейин хўжайинларнинг кийиниш хонасига ташриф буюришига қарши эди.
