Россиянинг собиқ спорт вазири Павел Колобков УЕФАнинг сўнгги баёнотлари ҳақида гапирди.
Хабарингиз бор, УЕФА ижроия қўмитаси Россия ёшлар терма жамоаларини расмий турнирларга, лекин нейтрал мақомда - байроқ, мадҳия ва уй ўйинларисиз қайтаришни таклиф қилган.
Шу билан бирга, ёши каттароқ жамоаларга, шунингдек, клубларга нисбатан санкциялар Украинадаги вазият ҳал этилмагунча ўз кучида қолади.
“УЕФА тўғри қарор чиқармади, бироз беғараз қарор қабул қилди ва мен буни якуний деб ўйламайман.
Албатта, барчамиз жамоаларимиз жаҳон гигантлари билан қандай ўйнашини кўришни истардик. Европа футболи биз йўқлигимиздан балки хурсанддир, аммо бу даврни босиб ўтишимиз қийин бўляпти», — дея Колобковнинг сўзларини келтиради ТАСС.
