Rossiyaning sobiq sport vaziri Pavel Kolobkov UYEFAning so‘nggi bayonotlari haqida gapirdi.
Xabaringiz bor, UYEFA ijroiya qo‘mitasi Rossiya yoshlar terma jamoalarini rasmiy turnirlarga, lekin neytral maqomda - bayroq, madhiya va uy o‘yinlarisiz qaytarishni taklif qilgan.
Shu bilan birga, yoshi kattaroq jamoalarga, shuningdek, klublarga nisbatan sanksiyalar Ukrainadagi vaziyat hal etilmaguncha o‘z kuchida qoladi.
“UYEFA to‘g‘ri qaror chiqarmadi, biroz beg‘araz qaror qabul qildi va men buni yakuniy deb o‘ylamayman.
Albatta, barchamiz jamoalarimiz jahon gigantlari bilan qanday o‘ynashini ko‘rishni istardik. Yevropa futboli biz yo‘qligimizdan balki xursanddir, ammo bu davrni bosib o‘tishimiz qiyin bo‘lyapti», — deya Kolobkovning so‘zlarini keltiradi TASS.
