«Арсенал» бош мураббийи Микель Артета жамоа ҳужумчиси Букайо Саканинг аҳволи ҳақида гапирди.

«У «Тоттенхэм» билан ўйин охирида оқсоқланиб қолди, шунинг учун биз уни алмаштиришга мажбур бўлдик.

У «Борнмут»га қарши ўйинда жамоага ёрдам бермаса керак», - дея мураббийнинг сўзларини келтиради журналист Ден Килпатрик.

Жорий мавсумда 22 ёшли Сака барча турнирларда 8 та ўйин ўтказиб, 4 та гол урди ва 4 та голли узатмани амалга оширди.

Олти турдан сўнг «Арсенал» 14 очко билан Англия Премьер-лигаси турнир жадвалида бешинчи ўринни эгаллаб турибди.