«Arsenal» bosh murabbiyi Mikel Arteta jamoa hujumchisi Bukayo Sakaning ahvoli haqida gapirdi.

«U «Tottenxem» bilan o‘yin oxirida oqsoqlanib qoldi, shuning uchun biz uni almashtirishga majbur bo‘ldik.

U «Bornmut»ga qarshi o‘yinda jamoaga yordam bermasa kerak», - deya murabbiyning so‘zlarini keltiradi jurnalist Den Kilpatrik.

Joriy mavsumda 22 yoshli Saka barcha turnirlarda 8 ta o‘yin o‘tkazib, 4 ta gol urdi va 4 ta golli uzatmani amalga oshirdi.

Olti turdan so‘ng «Arsenal» 14 ochko bilan Angliya Premyer-ligasi turnir jadvalida beshinchi o‘rinni egallab turibdi.