Яқинда "Барселона" спорт директори лавозимини эгаллаган футбол функционери Деко жамоа ҳужумчиси Жоау Феликс ҳақида ўз фикрларини билдириб ўтди.
“Мен Жоауни Португалияда ўйнаган пайтдан бери биламан. Феликс ҳар доим ўзига хос фазилатларга эга футболчи бўлган. Унинг ҳозир “Барселона”да эканлигидан хурсандман. Унинг нархи ҳақида кўп гапирилади, лекин ўйини ҳақида жуда кам. Биз учун унинг жамоада бахтли бўлиши муҳим. Феликс майдонда ҳам, кийиниш хонасида ҳам фойда келтиради", - деди Деко.
"Барселона" Феликсни "Атлетико"дан мавсум охиригача ижарага олди.
