Бразилиянинг «Атлетико» клуби ҳужумчиси Витор Роке яқин орада Бразилия терма жамоасида ўйнамаса керак.

Ҳужумчи яқинда жароҳат олди, шу сабабли у тахминан уч ойни ўтказиб юборади.

Sport хабарига кўра, Роке навбатдаги ўйинни «Барселона» футболкасида ўтказади. Каталония клуби футболчини январь ойида рўйхатдан ўтказишда ҳеч қандай муаммо бўлмаслигини маълум қилган.

Роке ўтган ёзда «Барселона»га ўтишини расмийлаштирди. У 2024 йилнинг июнь ойида жамоага қўшилиши кутилганди, аммо «кўк-анорранглилар» раҳбарияти бразилияликнинг келишини эртароқ санага кўчиришга муваффақ бўлди.