Криштиану Роналду ва «Ювентус» ўртасидаги суд иши давом этмоқда.
Португалиялик юлдуз туринликлардан 19,5 миллион евро олмоқчи. Роналду бу пуллар қайтарилишини кутганди, бироқ, ОАВ хабарига кўра, у бу борада қўшимча шартнома имзоламаган.
Sport Mediaset хабарига кўра, бу иш бўйича навбатдаги суд мажлиси тез орада — 4 октябрь куни бўлиб ўтади.
Эслатиб ўтамиз, Криштиану Роналду 2018-2021 йилларда «Ювентус» шарафини ҳимоя қилган. Португалиялик футболчи айни дамда Саудия Арабистонида «Ан-Наср» сафида тўп тепмоқда.
Унинг шартномаси 2025 йилнинг ўрталарига қадар мўлжалланган.
