Хитойда бўлиб ўтаётган Осиё Ўйинларининг бокс мусобақасида эркаклар ўртасидаги 51 кг. вазннинг асосий етакчилари — Ҳасанбой Дўсматов ва Сакен Бибосинов нимчорак финал босқичидаёқ ўзаро тўқнаш келиб қолишди (савол: нега бундай бўлди?).

Шу пайтгача бу икки спортчи ўртасидаги ўзаро ҳисоб-китоблар тенг эди (1:1). Энди эса ҳамюртимиз олдинга ўтиб олди.

Мураббийларимиз қийин рақибга нисбатан тўғри тактика танлаб, Дўсматовни жуда яхши тайёрлашди. Ҳамюртимиз дастлабки икки раунд давомида рақибига нисбатан кўпроқ аниқ зарба йўллаб, амалда жанг тақдирини ҳал қилиб қўйди. Учинчи бўлимда Бибосинов таваккал қилиб олдинга ташланди ва сўнгги раундни ўз фойдасига ҳал қилди. Якуний баҳолар — 4:1 (29:28, 29:28, 29:28, 30:27, 28:29).

Ҳасанбой чорак финалда Ал-Нуаймий (БАА) / Рашид (Покистон) жуфтлиги ғолибига қарши рингга кўтарилади. Бу жанг 3 октябрь санасига белгиланган.