"Барселона" бош мураббийи Хави Ла Лиганинг жума куни бўлиб ўтадиган "Севилья"га қарши ўйин олдидан фикр билдирди.
"Севилья" билан ўйин оғир ва жуда қийин бўлади. Лекин биз ўз уйимизда ўйнаймиз. Бизга ўз йўлимизга қайтиш учун мухлисларимиз ва атмосфера керак.
Ўтган мавсумда биз ажойиб ҳимояландик, аммо ҳозир бундай эмас. Биз чемпионликни қўлга киритишимиз учун ўтган мавсумдаги муҳитни яхшилашимиз ва қайтишимиз керак", - деди Хави "Барселона" матбуот хизматига.
"Барселона" - "Севилья" учрашуви 29 сентябрь куни Тошкент вақти билан соат 23:59да бошланади.
Эслатиб ўтамиз, сешанба куни "Барселона" "Мальорка"ни мағлуб эта олмади - 2:2.