"Абҳа" ярим ҳимоячиси Саад Бгир ўз жамоасида "Барселона" юлдузи Роберт Левандовскини кўришни истамоқда.
Ишончли маълумотларга кўра, польшалик ҳужумчи ёзда Саудия Арабистонидан таклифлар олган, бироқ "Барселона"да ўйнашни давом эттириш истаги туфайли рад жавобини берган. Бироқ, Бгирнинг фикрича, "Абҳа" 35 ёшли футболчини келажакда ўз сафига жалб қилишга ҳаракат қилиши керак: "Бизга юқори савияли футболчилар керак - масалан, Левандовски. Клуб иложи бўлса, бундай харидларни кўриб чиқиши керак", - дея 29 ёшли тунислик сўзларини келтиради Sport нашри.
“Абҳа” Саудия Арабистони чемпионати турнир жадвалида етти турдан кейин 13-ўринни эгаллаб турибди.
