"Барселона" ярим ҳимоячиси Френки де Йонг клуб билан янги шартнома имзолаши мумкин.
Нидерландиялик футболчининг амалдаги шартномаси 2025/26 йилги мавсум охиригача амал қилади, аммо "Барселона" ярим ҳимоячи билан янгиланган шартнома тузмоқчи. Журналист Фернандо Поло хабарига кўра, Каталония клуби вакиллари тез орада де Йонгнинг агенти билан учрашиб, шартномани узайтириш бўйича музокаралар олиб боришади. Қайд этилишича, 26 ёшли футболчи “кўк-анорранглилар” раҳбарияти билан яхши муносабатда.
Френки де Йонг жорий мавсумда еттита ўйинда битта гол урди. Яқинда каталонияликлар ярим ҳимояси етакчиси жароҳат олди, шу сабабли у октябрь ойи охиригача майдонга тушмаслиги мумкин.
