Ҳимоячи Даниэле Ругани Туриннинг "Ювентус" клубида ўйнашни давом эттирмоқчи, бу ҳақда инсайдер Николо Скира ижтимоий тармоқлар орқали хабар берди.
Журналистнинг маълум қилишича, футболчи "кекса синьора"да қолиш учун маошини камайтиришга рози. Томонлар 2026 йилгача мўлжалланган янги узоқ муддатли шартномани бир мавсумга узайтириш имкониятини имзолаш бўйича музокара олиб боришмоқда.
Қайд этиш жоиз, Даниэленинг туринликлардаги маоши ҳозирда уч миллион еврони ташкил қилади.
Италия чемпионатининг жорий мавсумида 29 ёшли ҳимоячи “Ювентус” сафида атиги битта ўйин ўтказди.
