"Барселона" ҳимоячиси Маркос Алонсо жамоада катта обрўга эга. Журналист Иван Сан Антонионинг фикрича, ўйин амалиёти кам бўлишига қарамай, испаниялик футболчи кийиниш хонасида етакчилардан бири ҳисобланади.
Манба, шунингдек, Алонсо ёш футболчиларга ўрнак бўлаётганини ҳам аниқ айтиб ўтган. Маркос кийиниш хонасида нутқ сўзласа, ҳамма уни диққат билан тинглайди. Бош мураббий Хави Эрнандес ҳам испанияликнинг иш услубидан жуда мамнун.
Эслатиб ўтамиз, Алонсонинг "Барселона" билан шартномаси мавсум охирида якунига етади. У 2022 йилнинг ёзидан буён жамоада ўйнамоқда, у Лондоннинг "Челси" клубидан эркин агент сифатида кўчиб ўтган.