"Манчестер Юнайтед"нинг собиқ футболчиси Гари Невилл "Реал"га янги келган Жуд Беллингем ҳақида ўз фикрлари билан ўртоқлашди.
"Беллингем - ёзнинг энг яхши трансферларидан бири. Агар у шундай давом этса, тарихдаги энг буюк инглиз футболчисига айланиши мумкин. Жуд жуда катта истеъдодга эга. У техник ва доимо ҳаракатда. Беллингем ажойиб футбол интеллектига эга, лекин биринчи навбатда унинг меҳнатсеварлигини таъкидламоқчиман", - дея Невилнинг сўзларини келтиради Marca газетаси.
20 ёшли инглиз футболчиси Дортмунднинг "Боруссия" клубидан "Реал"га ўтган эди. Ла Лигада Жуд олтита ўйин ўтказиб, бешта гол ва битта голли узатмани амалга оширди.
