Мадриднинг “Атлетико” клуби бош мураббийи Диего Симеоне жамоа ярим ҳимоячиси Самуэль Линога юқори баҳо берди. Аргентиналик мутахассис ёзда кетган Янник Карраско ўрнини айнан бразилиялик футболчи тўлдирганини таъкидлади.
“Биз Лино Каррасконинг ўрнини босиши мумкинлигини билардик. Таркибимизда Самуэлдек футболчи борлигидан хурсандмиз. Лино гол ва голли узатмаларни амалга ошира оладиган футболчи. Биз ундан кўпроқ гол уришини талаб қиламиз", - деди Симеоне матбуот анжуманида.
Янги мавсумда Лино Испания чемпионатида тўртта ўйинда иккита голли узатмани амалга оширди. 23 ёшли бразилиялик футболчи "матрасчилар" сафида илк мавсумини ўтказмоқда.