Каталониянинг “Барселона” клуби қанот ҳужумчиси Ламин Ямал билан шартномани қачон узайтириши маълум бўлди. Журналист Фабрицио Романонинг хабарига кўра, "блауграна" ёш иқтидор эгаси билан шартнома узайтирилганини 2 октябрь куни эълон қилади.
"Барселона" аллақачон ушбу сана учун мухлислар ташриф буюриши мумкин бўлган расмий тадбирни режалаштирган. Президент Жоан Лапорта анъанага кўра маросимда иштирок этади ва Ямал билан шартноманинг янгиланишига изоҳ беради.
Ламин Испания чемпионатида 7 та ўйин ўтказиб, битта голли узатмани амалга оширди. Ўтган ёзда футболчига "Манчестер Сити" қизиқиш билдирганди.
