"Челси" ҳимоячиси Рис Жеймс Англия футбол ассоциацияси томонидан унга қўйилган айбловларга рози бўлади. Бу ҳақда журналист Низар Кинселла хабар бермоқда.
Эслатиб ўтамиз, аввалроқ Жеймс "Астон Вилла"га (0:1) қарши АПЛнинг 6-тур учрашувида расмий шахсга нисбатан қўпол муносабатда бўлганликда айблангани ҳақида хабар берилганди. Тахминларга кўра, англиялик футболчи маълум миқдордаги ўйинга дисквалификация қилиниши мумкин.
Эслатиб ўтамиз, Жеймс айни дамда жароҳатидан фориғ бўлмоқда. Жорий мавсумда 23 ёшли ҳимоячи “Челси” сафида битта ўйин ўтказиб, бирорта ҳам гол ура олмади.
“Кўклар” навбатдаги ўйинини 2 октябрь куни “Фулхэм”га қарши ўтказади.
