Инчеон-2014 Осиё ўйинлари ғолиби Екатерина Воронина яна бир чемпионлик сари юришини бошлади. Енгил атлетиканинг кўпкураш дастурида қатнашаётган Ўзбекистон терма жамоаси аъзоси 100 метрга тўсиқлар оша югуриш йўналишида 14.47 сония натижа қайд этиб, ўз ҳисобига 912 очко ёзиб қўйди.

Шунингдек, у баландликка сакраш дастурида 1.82 метр билан 1003 очкога эга бўлди. Қайд этиш жоиз, Воронина ҳар икки дастурда мавсумдаги энг яхши натижасини кўрсатди.

Икки курашдан сўнг Воронина жами 1915 балл жамғарди ва рўйхатда 2-ўринни эгаллаб турибди. У пешқадам Нинали Женг (Хитой)дан 66 баллга ортда қолаётган бўлса, 3-поғонадаги Карин Одама (Япония)ни 34 баллга ортда қолдирмоқ. Олтин медаль учун кураш ўзбекистонлик ва хитойлик атлетлар ўртасида кечиши кутилмоқда.