"Ньюкасл" "Брентфорд" ҳужумчиси Айван Тони трансфери учун Англия Премьер-лигасининг қолган топ-клублари билан рақобатлашиш ниятида. Transfer News Live хабарига кўра, "қарғалар" Тони учун курашда "Манчестер Юнайтед", "Арсенал", "Тоттенхэм" ва "Челси" билан рақобатлашишга тайёр.
Аввалроқ "Брентфорд" Тони трансфери бўйича барча таклифларни рад этиш ниятида экани хабар қилинганди. Лондон клуби 90 миллион еврога яқин таклиф олган тақдирдагина сотишни кўриб чиқади.
Эслатиб ўтамиз, Тони дисквалификация туфайли январгача майдонга туша олмайди. Ўтган мавсумда футболчи Англия Премьер-лигасида 20 та гол урди.