"Челси" бош мураббийи Маурисио Почеттино жамоа сардори Рис Жеймснинг дисквалификация қилиниши мумкинлиги ҳақида гапирди. Эслатиб ўтамиз, ўнг ҳимоячиси ҳакамга нисбатан номақбул хатти-ҳаракатларда айбланган эди. Англиялик футболчи ўтган ҳафта охирида "Стэмфорд Бридж" стадионида "Астон Вилла"га қарши ўйиндан сўнг ҳакамга ўз норозилигини билдирди.
“Мен нима бўлишини билмайман. Мен шунчаки Рис тезроқ жамоа билан машғулотларни бошлашини истайман. Мен ҳакам билан боғлиқ вазият ҳақида ҳеч нарса дея олмайман, чунки мен ҳеч нарсани кўрмадим”, деди Почеттино матбуот анжуманида.
Эслатиб ўтамиз, аввалроқ Почеттино Жеймс кейинги ҳафта охиригача сафга қайтиши кераклигини айтганди.
