"Chelsi" bosh murabbiyi Maurisio Pochettino jamoa sardori Ris Jeymsning diskvalifikasiya qilinishi mumkinligi haqida gapirdi. Eslatib o‘tamiz, o‘ng himoyachisi hakamga nisbatan nomaqbul xatti-harakatlarda ayblangan edi. Angliyalik futbolchi o‘tgan hafta oxirida "Stemford Bridj" stadionida "Aston Villa"ga qarshi o‘yindan so‘ng hakamga o‘z noroziligini bildirdi.
“Men nima bo‘lishini bilmayman. Men shunchaki Ris tezroq jamoa bilan mashg‘ulotlarni boshlashini istayman. Men hakam bilan bog‘liq vaziyat haqida hech narsa deya olmayman, chunki men hech narsani ko‘rmadim”, dedi Pochettino matbuot anjumanida.
Eslatib o‘tamiz, avvalroq Pochettino Jeyms keyingi hafta oxirigacha safga qaytishi kerakligini aytgandi.
