"Челси" бош мураббийи Маурисио Почеттино ҳимоячи Марк Кукурелья ҳақида фикр билдирди. Эслатиб ўтамиз, аввалроқ испаниялик қишда жамоани тарк этмоқчилиги ҳақида хабар берилганди. Бу мавсумда Кукурелья Англия Премьер-лигаси ўйинида майдонга тушмаган.
"Манчестер Юнайтед"га муваффақиятсиз ижара? Тўғрисини айтсам, мен бунга умуман қизиқмадим. У бизнинг футболчимиз ва мен жуда аниқ айтдим: Маркда имконият бор ва у ўйнай олади. Агар Кукурелья ўйнашга лойиқ бўлса, у албатта ўз имкониятини қўлга киритади", - деди Почеттино матбуот анжуманида.
Кукурельяга аввалроқ ҳимоячини ижарага олиш вариантини кўриб чиқаётган Мадриднинг “Реал” клуби қизиқиш билдирган эди.
