Мюнхеннинг «Бавария» клуби ҳужумчиси Матис Тель немис жамоасига ўтишидан олдин «Реал»га ўтиши мумкинлигини тан олди.
«Тўғри, кўп клублар менга қизиқиш билдиришди, лекин мен бор эътиборимни «Бавария»га ўтишга қаратгандим.
Менга жамоанинг лойиҳаси ва мени таклиф қилган одамлар жуда ёқди», - дея Телдан иқтибос келтирди Carre.
У 2022 йилнинг ёзида Франциянинг «Ренн» клубидан «Бавария»га ўтганди. Жорий мавсумда Матис Германия чемпионатида учта гол урди ва бир голли узатмани амалга оширди.
Франциялик футболчи Чемпионлар лигаси гуруҳ босқичи 1-турида «Манчестер Юнайтед»га қарши ўйинда яна бир гол урди.
