Myunxenning «Bavariya» klubi hujumchisi Matis Tel nemis jamoasiga o‘tishidan oldin «Real»ga o‘tishi mumkinligini tan oldi.
«To‘g‘ri, ko‘p klublar menga qiziqish bildirishdi, lekin men bor e’tiborimni «Bavariya»ga o‘tishga qaratgandim.
Menga jamoaning loyihasi va meni taklif qilgan odamlar juda yoqdi», - deya Teldan iqtibos keltirdi Carre.
U 2022 yilning yozida Fransiyaning «Renn» klubidan «Bavariya»ga o‘tgandi. Joriy mavsumda Matis Germaniya chempionatida uchta gol urdi va bir golli uzatmani amalga oshirdi.
Fransiyalik futbolchi Chempionlar ligasi guruh bosqichi 1-turida «Manchester Yunayted»ga qarshi o‘yinda yana bir gol urdi.