Кўпгина клубларда ўзини танитишни бошлаган ёш футболчилар бор. Эҳтимол, бу потенциал юлдузлардир, шунинг учун уларга доимо қизиқиш ортиб боради. Ёш футболчилар учун курашда доимо юқори рақобат мавжуд бўлиб, бу уларнинг ривожланишини кузатишни янада қизиқарли қилади. Келинг, 18 ёшгача бўлган истиқболли футболчиларни кўриб чиқамиз.
Матис Тель (“Бавария”, 18 ёш)
У 2022 йилнинг ёзида “Ренн”дан “Бавария”га ўтганди. Трансфер суммаси 20 миллион еврони ташкил қилди. Мюнхенликлар ёш форвардга ишонишди ва у ўз навбатида рақобатдан қўрқмади. Ўтган мавсумда франциялик футболчи майдонда ҳар бир учрашувда бор-йўғи 18 дақиқа ўтказган бўлса-да, Бундеслиганинг 22 ўйинида 5 та гол урган. Жорий мавсумда ҳам Матис кўп вақт олмайди, бу унинг ёши ва Харри Кейн жамоага келгани ҳисобига. Аммо Тель ўз имкониятларидан фойдаланишда давом этмоқда. У Бундеслигада 5 та ўйинда 3 та гол ва 1 та голли узатмани амалга оширган.
Уоррен Заир-Эмери (“ПСЖ”, 17)
Бундан бир неча йил олдин унчалик таниқли бўлмаган йигитлар “ПСЖ”да ўйнаши мумкинлигини тасаввур қилиш қийин эди. Кристоф Галтье ўтган мавсум бошланишидан олдин ҳамон ёшлар жамоасида бўлган иқтидорли ярим ҳимоячи Заир-Эмерини тарбиялашдан қўрқмади. Охирги Лига 1да франциялик футболчи 26та ўйин ўтказиб, 2та гол урган. "ПСЖ"нинг амалдаги бош мураббийи Луис Энрике футболчининг истиқболига юқори баҳо беради.
Ламин Ямал (“Барселона”, 16 ёш)
Ямал мавсум бошида энг кўп гапирилган ёш футболчилардан бирига айланди. Ёш вингер нафақат "Барселона"да ёрқин дебют қилди, балки бир қанча рекордларни ҳам ўрнатди. Жорий мавсумда у Ла Лиганинг 7 та ўйинида ҳозирча атиги 1 та голли узатмани амалга оширди. Аммо вақт ўтиши билан унинг фаолияти яхшиланиши эҳтимоли бор. Кўпчилик мутахассислар, жумладан Хави ҳам йигитнинг катта салоҳиятини қайд этишмоқда.
Эндрик (“Палмейрас”, 17 ёш)
"Реал" "Палмейрас"дан Эндрик трансферини олдиндан белгилаб қўйган. Битим суммаси 37 миллион еврони ташкил этди. Бразилияликлар яна 25 миллион бонус олишлари мумкин. Ёш ҳужумчи келаси ёзда 18 ёшга тўлганда "Лос Бланкос"га ўтади. Жорий мавсумда Эндрик Бразилия А сериясида 18 та ўйинда майдонга тушиб, 4 та гол урди. Ҳаммаси бразилияликнинг "қироллик клуби" тизимида ўзини қандай кўрсатишига боғлиқ бўлади.
Эван Фергюсон (“Брайтон”, 18 ёш)
Фергюсон 2021 йилдан бери "Брайтон" тизимида. Аммо у ҳақида нисбатан яқинда, "Нюкасл"га қарши ўйинда хет-трикдан сўнг гапирала бошланди. Гарчи ўтган мавсумда ҳам ёш ҳужумчи яхши ўйнади. Премьер-лиганинг 19 учрашувида 6 гол ва 2 голга ассистентлик қилган. Энди ирландиялик машҳурроқ. Ёзда “Манчестер Юнайтед” футболчини сотиб олмоқчи эди, бироқ “чайкалар” 50 миллион фунтлик таклифни номақбул деб ҳисоблашди.
Витор Роке (“Атлетико Паранаенсе”, 18 ёш)
Каталонияликлар ёш форвардни трансфер қилиш бўйича келишувга эришдилар, бироқ уни бир муддат ҳозирги жамоасида қолдиришди. Битим суммаси бонусларни ҳисобга олмаганда 40 миллион еврони ташкил этди. Аввалига Роке келаси ёзда жамоага ўтиши ҳақида хабар берилганди. Охирги хабарларга кўра, бразилиялик футболчи январ ойидаёқ Ла Лигада иштирок этиши мумкин. Бразилия А сериясининг жорий мавсумида Роке жароҳатигача 22 та ўйин ўтказиб, 11 та гол уришга муваффақ бўлди.
