Англия Премьер-лигаси ўйинида ҳакамлар ишига масъул бўлган PGMOL ташкилоти "Тоттенхэм" - "Ливерпуль" (2:1) учрашувида Луис Диаснинг ҳисобга олинмаган голи билан боғлиқ вазиятдаги эпизодда ҳакам Саймон Хупер аниқ хатога йўл қўйганини тан олди.
“PGMOL ўйиннинг биринчи ярмида жиддий инсон хатоси бўлганини тан олади. Луис Диаснинг голи офсайд туфайли бекор қилинди ва бу аниқ хато эди. Гол ВАР аралашувидан кейин ҳисобга олиниши керак эди. Ташкилот хатоликка сабаб бўлган ҳолатларни тўлиқ кўриб чиқади”, — дея ташкилотнинг ўз саҳифаларида иқтибос келтиради BBC.
Эслатиб ўтамиз, “Ливерпуль” Кёртис Жонс майдондан четлатилганидан сўнг камчиликдаги илк қарши ҳужумида гол уришга муваффақ бўлганди. Луис Диас ўша вазиятда Муҳаммад Салоҳнинг узатмасидан унумли фойдаланганди.
