Ҳуқуқлари "Вулверхэмптон"га тегишли бўлган ҳужумчи Педру Нету фаолиятини Англия Премьер-лигасининг бошқа клубида давом эттириш имкониятига эга. Бу ҳақда The Mirror нашри хабар бермоқда.
Манбага кўра, 23 ёшли португалиялик форвард хизматларига Лондоннинг "Арсенал" клуби қизиқиш билдирмоқда. "Канонирлар" раҳбарияти футболчини қишки трансфер ойнасида қўлга киритишга ҳаракат қилади.
Жорий мавсумда Педру "бўрилар" сафида 7 та ўйинда қатнашиб, 1 та гол ва 4 та голли узатмани амалга оширди. Transfermarkt ҳужумчининг нархини 28 миллион еврога баҳоламоқда.
