Хорватия терма жамоаси ва Мадриднинг “Реал” клуби ярим ҳимоячиси Лука Модрич фаолиятини АҚШда давом эттириши мумкин. Лионель Месси ўйнаётган "Интер Майами" тажрибали футболчи хизматига қизиқиш билдирмоқда.
"Месси шахсан бу трансферга қизиқмоқда. Лука аллақачон Давид Бекхэм билан учрашган, улар бирга тушлик қилишган", - деди "Қироллик клуби"нинг собиқ ҳужумчиси Предраг Миятович Carousel Deportivo нашрига берган интервьюсида.
Модричнинг Мадрид гранди билан амалдаги шартномаси келаси ёзда якунига етади. Бу мавсумда Лука "Реал Мадрид"нинг асосий таркибидаги барқарор ўрнини йўқотди. 38 ёшли хорватиялик футболчи Ла Лигада 6 та ўйин ўтказиб, битта сариқ карточка олди.
