Нидерландиянинг “Валвейк” клуби дарвозабони Этьен Вассен “Аякс”га қарши уй учрашувида тўқнашувдан сўнг ҳушини йўқотди, деб ёзади “ТАСС”.
Дарвозабон ва “Аякс” ҳужумчиси Брайан Бробби ўртасида тўқнашув 84-дақиқада содир бўлди. Унинг ортидан дарҳол майдонга тиббиёт ходимлари пайдо бўлди. Орадан беш дақиқа ўтиб дарвозабонни замбилда майдондан олиб кетишди. Стадион диктори ўйин шанба куни якунланмаслигини эълон қилди.