Niderlandiyaning “Valveyk” klubi darvozaboni Etyen Vassen “Ayaks”ga qarshi uy uchrashuvida to‘qnashuvdan so‘ng hushini yo‘qotdi, deb yozadi “TASS”.
Darvozabon va “Ayaks” hujumchisi Brayan Brobbi o‘rtasida to‘qnashuv 84-daqiqada sodir bo‘ldi. Uning ortidan darhol maydonga tibbiyot xodimlari paydo bo‘ldi. Oradan besh daqiqa o‘tib darvozabonni zambilda maydondan olib ketishdi. Stadion diktori o‘yin shanba kuni yakunlanmasligini e’lon qildi.