Мадриднинг “Реал” клуби ярим ҳимоячиси Жуд Беллингем яна бир бор ўз жамоасида ўзини кўрсатди. Испания чемпионатининг 8-туридан ўрин олган "Жирона"га қарши ўйинда (3:0) инглиз футболчиси голли узатмани амалга оширди ва гол урди.
Шу тариқа, Жуд "қироллик" клуби сафида саккизта ўйинда еттита гол урди ва иккита голли узатмани амалга оширди.
20 ёшли ярим ҳимоячи ёзги трансфер ойнасида Дортмунднинг "Боруссия"сидан Мадрид грандига ўтди. Битим суммаси 103 миллион еврони ташкил этди. Беллингем "Лос-Бланкос" билан 2029 йилнинг ўрталарига қадар узоқ муддатли меҳнат шартномаси имзолади.
