Madridning “Real” klubi yarim himoyachisi Jud Bellingem yana bir bor o‘z jamoasida o‘zini ko‘rsatdi. Ispaniya chempionatining 8-turidan o‘rin olgan "Jirona"ga qarshi o‘yinda (3:0) ingliz futbolchisi golli uzatmani amalga oshirdi va gol urdi.
Shu tariqa, Jud "qirollik" klubi safida sakkizta o‘yinda yettita gol urdi va ikkita golli uzatmani amalga oshirdi.
20 yoshli yarim himoyachi yozgi transfer oynasida Dortmundning "Borussiya"sidan Madrid grandiga o‘tdi. Bitim summasi 103 million yevroni tashkil etdi. Bellingem "Los-Blankos" bilan 2029 yilning o‘rtalariga qadar uzoq muddatli mehnat shartnomasi imzoladi.